Дешам Евро-2016 ва ЖЧ-2022 финалларини эслаб, улардан энг оғриқлисини танлади

Франция миллий жамоаси бош мураббийи Дидие Дешам 2022 йилги Жаҳон чемпионати финалидаги мағлубият фаолиятидаги энг оғриқлиси эканини айтди.

Қатарда бўлиб ўтган 2022 йилги мундиал финалида Франция Argentinaга пеналтилар сериясида мағлуб бўлганди (асосий ва қўшимча вақт — 3:3, пеналтилар — 2:4).

«Афсус-надоматлар ҳақида гапиришни ёқтирмайман. Францияда ўтган Евро-2016 финалидаги мағлубият ҳам оғриқли бўлган, чунки биз 2000 йилдан бери ҳеч қандай соврин юта олмагандик. Яхшиямки, кўплаб ўйинчилар 2018 йилгача жамоада қолишди (ўша йили жаҳон чемпиони бўлди).

Доҳадаги финал ҳам жуда оғриқли бўлди, чунки жаҳон чемпиони бўлиш футболдаги энг юқори ютуқ ҳисобланади.

Ортга назар ташласам, ҳар икки финал ҳам биз учун омадсиз якунлангани учун оғриқли бўлганини тушунаман. Ҳатто FIFA йиғилишида менга Евро-2016 финалидаги Португалиянинг голи, агар ўша пайтда VAR бўлганида, ҳужум бошидаги қоидабузарлик сабабли ҳисобга олинмаслигини айтишди.

Бу умумий манзарани ўзгартирмайди. Агар биттасини танлашим керак бўлса, 2022 йилни айтардим, чунки бу жаҳон миқёсидаги улкан имкониятни қўлдан чиқариш бўлган», — деди Дешам Ouest-France нашрига берган интервюсида.