Де ла Фуэнте: «Ямалнинг 15 июнгача тайёр бўлишига ишонамиз»

Испания миллий жамоаси бош мураббийи Луис де ла Фуэнте Ламин Ямалнинг Жаҳон чемпионатидаги илк ўйинга тайёр бўлиши мумкинлигини истисно қилмади.

Аввалроқ «Барселона» вингери 22 апрел куни La Liga доирасидаги «Селта»га (1:0) қарши баҳсда пеналти тепиш пайтида жароҳат олгани сабабли 2026 йилги мундиалнинг дастлабки ўйинларини ўтказиб юбориши мумкинлги хабар қилинди. Испания турнирни 15 июн куни Кабо-Верде билан ўйин орқали бошлайди, 21 июн куни эса жамоа Саудия Арабистонига қарши майдонга тушади.

«Ламин Ямал ҳам, Нико Уилямс ҳам, Виктор Муниос ҳам Ироққа қарши ўртоқлик ўйинида иштирок этмайди.

Биз Ламиннинг 15 июнга қадар тайёр бўлишига ишонамиз. Агар тикланиш шу тарзда давом этса, у тайёр бўлиши мумкин. Бироқ бу унинг албатта майдонга тушишини англатмайди. Вазият ривожига қараб қарор қабул қиламиз», — дея де ла Фуэнтенинг сўзларини келтиради Marca.