Ispaniyalik mutaxassis Andoni Iraola bugun, 4 iyun kuni «Liverpul» bilan rasmiy shartnoma imzolaydi. Bu haqda jurnalist Fabrizio Romano xabar berdi.
Ma'lum qilinishicha, kelishuv to'liq tasdiqlangan va yaqin vaqt ichida e'lon qilinadi. Bungacha ispaniyalik mutaxassis klub bilan ikki yillik shartnoma imzolashi aytilgandi. 30 may kuni «Liverpul» bosh murabbiy Arne Slot bilan xayrlashganini ma'lum qilgan.
Ma'lumot o'rnida, Iraolaning so'nggi klubi «Bornmut» bo'lgan. U ushbu jamoani bu mavsum yakunida tark etdi.
Andoni boshchiligida «olcharanglilar» 57 ochko to'plab, APL turnir jadvalida 6-o'rinni egalladi. «Liverpul» esa 60 ochko bilan 5-o'rinni band etgan.
