«Santos» vingeri Neymar Braziliya va Misr milliy jamoalari o‘rtasidagi bo‘ladigan o‘rtoqlik uchrashuvida ishtirok etmaydi. Bu haqida Meia Hora xabar berdi.
Ma'lum qilinishicha, Karlo Anchelotti boshchiligidagi milliy jamoa murabbiylar shtabi futbolchini ushbu o‘yin uchun qaydnomadan chiqargan.
Neymar boldir mushaklaridagi jarohati sabab «pentakampeonlar»ga yordam bera olmaydi. Eslatib o‘tamiz, tajribali futbolchi Braziliya milliy jamoasining 2026 yilgi jahon chempionati uchun qaydnomaga kiritilgan.
Guruh bosqichida Anchelotti shogirdlari Hayti, Shotlandiya va Marokash milliy jamoalariga qarshi maydonga tushadi.
