Maksim Krepo Kanada — O'zbekiston uchrashuvining eng yaxshi o'yinchisi deb topildi.
Sofascore tahliliy portali Kanada — O'zbekiston (2:0) o'yinidan keyin futbolchilar harakatini baholadi.
Unga ko'ra, kanadaliklar darvozaboni Maksim Krepo 7,3 ball bilan bellashuvning eng yaxshi o'yinchisiga aylandi. O'zbekiston milliy jamoasi safida Abduqodir Husonov eng yuqori ball (7,1) olgan bo'lsa, Otabek Shukurov (5,9) va Sherzod Nasrullayev (6,1)ning harakati eng past baholandi.
Eslatib o'tamiz, o'zbekistonlik futbolchilar navbatdagi o'rtoqlik bahsini 8 iyunda Niderlandiyaga qarshi o'tkazadi. Bellashuv Toshkent vaqti bilan 23:45 da start oladi.
