Oʻzbekiston milliy jamoasining 6 oʻyindan beri davom etib kelayotgan magʻlubiyatsiz seriyasiga barham berildi.
Jamoa oʻrtoqlik oʻyini doirasida Kanada milliy jamoasi bilan kuch sinashdi va 0:2 hisobida magʻlub boʻldi. Shu tariqa, Fabio Cannavaro shogirdlari 6 oʻyindan soʻng ilk marta taslim etildi.
«Oq bo'rilar» oxirgi marta Urugvay milliy jamoasiga imkoniyatni boy bergandi — 1:2. Shundan soʻng oʻtkazilgan 6 bellashuvda 3 gʻalaba va 3 durang (2 tasida penaltidan keyin gʻalaba qozonilgan) natija qayd etilgan.
Eslatib oʻtamiz, oʻzbekistonlik futbolchilar navbatdagi oʻrtoqlik bahsini 8 iyunda Niderlandiyaga qarshi oʻtkazadi. Bellashuv Toshkent vaqti bilan 23:45 da start oladi.
