FIFA terma jamoalarning yangilangan reytingini e’lon qildi. Unda O‘zbekiston milliy jamoasi 1 pog‘onaga pastlab, 60-o‘rinni egalladi. Ayni paytda Fabio Kannavaro boshchiligidagi jamoa hisobida 1418,10 ochko mavjud.
Noyabr oyidagi FIFA kunlari doirasida «oq bo‘rilar» ikkita xalqaro o‘rtoqlik uchrashuvi o‘tkazib, umumiy hisobda 1,49 ochko jamg‘ardi. Xususan, O‘zbekiston 12 noyabr kuni Rossiyaga qarshi bahsda (2:3) 3,86 ochko yo‘qotgan bo‘lsa, 17 noyabr kuni safarda Saudiya Arabistoni ustidan qozonilgan g‘alabadan (2:1) so‘ng 5,35 ochkoga ega bo‘ldi. Shunga qaramay, umumiy jadvalda jamoa bir pog‘ona pastga tushdi.
Osiyo terma jamoalari orasida Yaponiya 17-o‘rin (1684,61 ochko) bilan yetakchilikni saqlab qoldi.
Umumiy reytingda Ispaniya 2004,48 ochko bilan birinchi o‘rinni saqlab qoldi.
Yangilangan FIFA reytingi (top-10):
1. Ispaniya — 2004,48 (-8,68)
2. Argentina — 1966,13 (+1,18)
3. Fransiya — 1950,82 (+2,75)
4. Angliya — 1938,90 (+8,68)
5. Marokash — 1809,37 (+2,00)
6. Portugaliya — 1801,28 (+3,68)
7. Braziliya — 1800,91 (+0,55)
8. Belgiya — 1790,37 (+6,64)
9. Niderlandiya — 1774,06 (-8,37)
10. Kolumbiya — 1735,90 (-2,47)
Muxlislar bu yangilikni Telegram’da muhokama qilmoqda
Izohlar Telegram’da ochiladi