Londonning «Arsenal» klubi himoyachisi Kristian Moskera faoliyatini Italiya chempionatida davom ettirishi mumkin. Bu haqda jurnalist Ekrem Konur xabar berdi.
Manbaga ko‘ra, «Inter» klubi ispaniyalik 22 yoshli futbolchini o‘z safiga qo‘shib olishga qiziqish bildirmoqda. Milanliklar Moskerani uzoq muddatli istiqbol uchun munosib nomzod sifatida ko‘rmoqda.
Shuningdek, Kristianga Turkiyaning «Fenerbahche» hamda Saudiya Arabistonining «Al Hilol» va «An Nasr» klublari ham qiziqish bildirmoqda.
Ma’lumot uchun, Moskera 2025-yilning yozida «Arsenal» safiga kelib qo‘shilgan edi. Uning londonliklar bilan amaldagi shartnomasi 2030-yilning iyun oyi oxiriga qadar mo‘ljallangan.
Transfermarkt portali uning transfer qiymatini 40 million yevroga baholamoqda.