«Хетафе» дарвозабон Давид Сория билан шартномани узайтирганини эълон қилди.
Қайд этилишича, клуб испаниялик 33 ёшли кипер билан 2030 йилгача битим имзолаган.
Давид 2018 йилда жамоа сафига келиб қўшилган. Шундан бери «Хетафе» шарафини ҳимоя қилиб келмоқда.
Якунланган мавсумда Сория Испания чемпионатида 38 та ўйинда майдонга тушиб, 38 марта ўз дарвозасидан гол ўтказиб юборди. Шунингдек, 12 та баҳсда дарвозаси дахлсизлигини сақлаб қолди.
«Хетафе» эса Ла Лигада мавсумни 7-поғонада якунлади ва келаси мавсумда Конференциялар лигаси саралашида иштирок этиш ҳуқуқини қўлга киритди.
