«Арсенал» «Атлетико» ҳужумчиси Хулиан Алварес трансфери бўйича музокараларни давом эттирмоқда ва аргентиналик футболчини қўлга киритиш учун янги уринишни амалга оширди. Бу ҳақда журналист Николо Скира хабар берди.
26 ёшли Алварес трансфер ойнаси ёпилишидан олдин «Арсенал» ҳужумини кучайтириш учун устувор вариантлардан бири бўлиб қолмоқда. «Челси» ҳам аргентиналик футболчига қизиқишини сақлаб қолган.
Аввалроқ «Арсенал» Алварес учун жиддий таклиф тайёрлаётгани ҳақида хабар берилганди. Бироқ «Атлетико» жамоанинг асосий футболчиларидан бирини сотишни истамаяпти.
Алварес ўтган мавсумда Мадрид клуби сафида барча турнирларда 49 та баҳсда 20 та гол ва 9 та ассист қайд этган.
Эслатиб ўтамиз, узоқ вақт давомида Алварес «Барселона»нинг ҳам трансфер нишонида бўлган. Каталония клуби футболчини қўлга киритишга уринган, аммо «Атлетико» раҳбарияти бу трансферни амалга оширишдан қатъий бош тортган.
