«Челси» яримҳимоячиси Энцо Фернандес «Манчестер Сити»га ўтишга яқин. Бу ҳақда таниқли журналист ва инсайдер Жанлука Ди Марцио хабар берди.
Манбага кўра, Фернандес трансферни якунлаш учун бир неча соат ичида Манчестерга жўнаб кетади. Аввалроқ «Челси» аргентиналик футболчи учун 120 млн фунт (140 млн евро) талаб қилаётгани ҳақида хабар берилганди.
Энцо Фернандес «Челси» сафида 2023 йил январидан бери тўп тепмоқда. Унинг Лондон клуби билан амалдаги шартномаси 2032 йил ёзигача мўлжалланган.
Тransfermarkt футболчининг бозор қийматини 100 млн еврога баҳоламоқда.
