Канадалик ҳужумчи Жонатан Дэвид Туриннинг «Ювентус» клубидан Мадриднинг «Атлетико» жамоаси сафига бориб қўшилишга яқин турибди.
Инсайдер Николо Скиранинг ижтимоий тармоқлардаги саҳифаси орқали хабар беришича, 1 сентябр куни футболчи «матрасчилар» учун тиббий кўрикдан ўтади.
Шундан сўнг томонлар ижара шартномасини имзолайдилар. Испаниялик топ-клуб 25 миллион евро эвазига сотиб олиш имкониятига эга бўлади.
26 ёшли канадалик форвард ўтган йилнинг ёзидан буён Турин жамоаси сафида тўп тепмоқда. Томонлар ўртасидаги амалдаги шартнома муддати 2030 йил июн ойи охирида тугайди.
Маълумот учун, Италия А Сериясининг ўтган мавсумида Жонатан 35 та ўйинда майдонга тушиб, 6 та гол урди ва 4 та голли узатма етказиб берди.
