Kanadalik hujumchi Jonatan Devid Turinning «Yuventus» klubidan Madridning «Atletiko» jamoasi safiga borib qo‘shilishga yaqin turibdi.
Insayder Nikolo Skiraning ijtimoiy tarmoqlardagi sahifasi orqali xabar berishicha, 1-sentyabr kuni futbolchi «matraschilar» uchun tibbiy ko‘rikdan o‘tadi.
Shundan so‘ng tomonlar ijara shartnomasini imzolaydilar. Ispaniyalik top-klub 25 million yevro evaziga sotib olish imkoniyatiga ega bo‘ladi.
26 yoshli kanadalik forvard o‘tgan yilning yozidan buyon Turin jamoasi safida to‘p tepmoqda. Tomonlar o‘rtasidagi amaldagi shartnoma muddati 2030-yil iyun oyi oxirida tugaydi.
Ma’lumot uchun, Italiya A Seriyasining o‘tgan mavsumida Jonatan 35 ta o‘yinda maydonga tushib, 6 ta gol urdi va 4 ta golli uzatma yetkazib berdi.
