«Yuventus» «Nyukasl» bilan 24 yoshli Nik Voltemadeni ijaraga olish bo‘yicha og‘zaki kelishuvga erishdi. Bu haqda jurnalist Fabritsio Romano xabar berdi.
Turinliklar futbolchining ijarasi uchun 3,5 million funt sterling (taxminan 4 million yevro) to‘laydi. Bitimda Voltemadeni sotib olish huquqi yoki majburiyati ko‘zda tutilmagan.
Ma’lumot o‘rnida, Nik o‘tgan yozda «Shtutgart»dan 75 million yevro evaziga «Nyukasl»ga ko‘chib o‘tgandi. U Angliya klubi safida 53 ta o‘yinda 11 ta gol urdi va 6 ta assist amalga oshirdi.
Avvalroq «Yuventus» Vikario transferini e’lon qilgandi.
