«Arsenal» «Atletiko» hujumchisi Xulian Alvares transferi bo‘yicha muzokaralarni davom ettirmoqda va argentinalik futbolchini qo‘lga kiritish uchun yangi urinishni amalga oshirdi. Bu haqda jurnalist Nikolo Skira xabar berdi.
26 yoshli Alvares transfer oynasi yopilishidan oldin «Arsenal» hujumini kuchaytirish uchun ustuvor variantlardan biri bo‘lib qolmoqda. «Chelsi» ham argentinalik futbolchiga qiziqishini saqlab qolgan.
Avvalroq «Arsenal» Alvares uchun jiddiy taklif tayyorlayotgani haqida xabar berilgandi. Biroq «Atletiko» jamoaning asosiy futbolchilaridan birini sotishni istamayapti.
Alvares o‘tgan mavsumda Madrid klubi safida barcha turnirlarda 49 ta bahsda 20 ta gol va 9 ta assist qayd etgan.
Eslatib o‘tamiz, uzoq vaqt davomida Alvares «Barselona»ning ham transfer nishonida bo‘lgan. Kataloniya klubi futbolchini qo‘lga kiritishga uringan, ammo «Atletiko» rahbariyati bu transferni amalga oshirishdan qat’iy bosh tortgan.
