Мадриднинг «Реала» клуби собиқ бош мураббийи Хорхе Валдано ҳужумчи Килиан Мбаппенинг самарадорлигидан ҳайратда. Унинг фикрича, «қаймоқранглилар» етакчиси «Олтин тўп» учун асосий номзодлардан бири.
«Мен - Мбаппенинг ашаддий мухлисларидан бириман. Назардима, Килиан ўз ишининг чинакам устаси ва у фаолиятининг энг яхши даврини бошдан кечирмоқда — ёш, ўзига ишонч ва маҳорат даражаси нуқтаи назаридан мутлақ етуклик даври. У «Олтин тўп» учун асосий номзодлардан бири эканлиги мени буткул ҳайрон қолдирмаяпти», - дея Валдано сўзларидан иқтибос келтирди derbyderbyderby.it.
Эслатиб ўтамиз, Килиан Мбаппе 2024 йилдан буён мадридликлар шарафини ҳимоя қилиб келади.
