«Челси» «Монако» яримҳимоячиси Ламине Камара трансфери бўйича 45 млн евро миқдоридаги расмий таклиф юборди. Бу ҳақда инсайдер Фабрицио Романо хабар берди.
«Монако» мазкур таклифни футболчининг трансфери учун етарли эмас, деб ҳисобламоқда. Шунга қарамай, томонлар музокараларни давом эттирмоқда.
22 ёшли Камаранинг ўзи эса «Челси»га ўтишга қизиқиш билдирмоқда. Лондон клуби унинг трансферини айниқса Энцо Фернандес «Манчестер Сити»га кетган тақдирда муҳим вариант сифатида кўрмоқда.
«Челси»нинг дастлабки таклифи рад этилиши кутилаётган бўлса-да, музокаралар давом этмоқда ва Лондон клуби таклифни яхшилаши мумкин. «Монако» футболчини тахминан 60 млн евро атрофида баҳолаётгани ҳақида маълумотлар бор.
