«Ливерпул» вингери Федерико Киеза «Ювентус»га қайтиш истаги борлигини маълум қилди.
«Ювентус»га қайтишни истардим. Имкони бўлганида Турин клубини ҳеч қачон тарк этмаган бўлардим. Катта пул хоҳлаганим ҳақида миш-мишлар бор эди, лекин ҳаммаси бошқача эди: менга ҳеч қачон шартномани узайтиришни таклиф қилишмаганди. Буни биз муҳокама қилмагандик. Жунтоли ва Тиаго Мотта менга шундай дейишди: «Феде, сен бизга керак эмассан, ўзингга янги жамоа қидир».
Омадим келди; мен дунёнинг энг яхши бешта клубидан бири «Ливерпул»да ҳаммасини бошқатдан бошладим. Лекин «Ювентус» абадий юрагимда ва мен қайтишни истардим. Такрор айтаман, «зебралар» билан ҳеч қачон пул ҳақида гаплашмаганман ва ҳеч қачон гаплашмайман», — дея Киезанинг сўзларидан келтиради La Gazzetta dello Sport нашри.
