Бу ҳақда TEAMtalk хабар бермоқда.
«Ливерпул» клуби «Бёрнли» жамоасининг марказий ҳимоячиси Максим Эстевни клубни тарк этган Ибраима Конатенинг ўрнини босувчи сифатида кўрмоқда. Мерсисайдликлар учун бу трансферда «Челси» ва «Кристал Пэлас» клублари рақобат ташкил қилиши мумкин.
Манбанинг маълумотига кўра, айни пайтда «қизиллар» 24 ёшли футболчини имзолаш учун аниқ қадамлар ташлагани йўқ. «Бёрнли»дагилар эса футболчини клубда сақлаб қолиш қийин бўлишини тушунишмоқда.
Ўтган мавсумда Эстеве барча мусобақаларда 36 та ўйинда иштирок этди, аммо ҳеч қандай самарали ҳаракатлар амалга оширмади.
Футболчининг клуб билан амалдаги шартномаси 2030 йил ёзигача мўлжалланган.
Transfermarkt портали Максимнинг актуал трансфер нархини 28 млн еврога баҳоламоқда.
