«Манчестер Сити» яримҳимоячиси Бернарду Силва «Реал»дан таклиф олиши мумкин. Бу ҳақда AS нашри хабар берди.
Мадрид клуби Жозе Моуринио билан шартнома имзоласа, португалиялик мутахассис 31 ёшли Силвани ўз жамоасига таклиф қилади.
Аввалроқ футболчи «Барселона»га ўтишга яқин эканлиги, каталонияликлар бош мураббийи Ҳанси Флик эса ўйинчининг трансферини маъқуллагани хабар қилинганди.
Шунингдек, Силвага «Атлетико», «Бенфика», Туркия, Франция, Италия ва Саудия Арабистони клублари ҳам қизиқиш билдирган.
Якунланган мавсумда у барча турнирларда 53 та ўйинда иштирок этиб, ўз ҳисобига учта гол ва бешта голли узатма ёздириб қўйди.
