Бу ҳақда AS нашри хабар берди.
ЖЧ-2026да иштирок этиш учун АҚШга учиб келган Ироқ миллий жамоаси сардори ва ҳужумчиси Айман Ҳуссайнни Чикаго шаҳридаги Иллиноис штати О'Хара аэропортида хавфсизлик хизмати вакиллари етти соат давомида сўроқ қилишди.
Ироқ делегацияси футболчини озод қилиш учун бир неча маротаба уриниб кўрди, аммо уларнинг барчаси муваффақиятсиз бўлди. Айман Ҳуссайн аэропортда етти соатлик сўроқдан сўнг, озод этилди. Хабар қилинишича, террорчилик фаолиятида гумон қилинган бошқа ироқлик фуқаро билан адаштириш содир бўлган.
Эслатиб ўтамиз, футбол бўйича Жаҳон чемпионати-2026 АҚШ, Канада ва Мексикада 11 июндан 19 июлгача ўтказилади.
Маълумот учун, армияда хизмат қилган Ҳуссайннинг отаси 2008 йил террорчилар томонидан ўлдирилган. 2014 йилда эса унинг акаси ўғирлаб кетилган ва ҳалигача топилмаган.
