Германия кубогининг 1/32 финалига қуръа ташланди. Ушбу босқич ўйинлари анъанага кўра мавсум бошида – август ойида бўлиб ўтади.
«Бавария»нинг рақиби ўтган мавсумда 3-лигада ғолиб чиқиб, Иккинчи Бундеслигага кўтарилган «Оснабрюк» жамоаси бўлди.
Германиянинг бошқа айрим топ клублари ким билан ўйнашини кўриб чиқамиз.
«Оснабрюк» – «Бавария»;
«ХЕБК Ҳамбург» – «Боруссия» Д;
«Веен-Висбаден» – «Байер»;
«Ганза» – «Штутгарт».
Ўтган мавсум Германия кубоги финалида «Бавария» «Штутгарт»ни 3:0 ҳисобида мағлуб этган эди. Беллашувда Ҳарри Кейн ҳет-трикка эришганди.
