Ўзбекистон миллий жамоаси бош мураббийи жаҳон чемпионати старти олдидан ЎФА матбуот хизматига интервю берди.
«Тайёргарлик жараёни режамиз асосида давом этмоқда. Тўғри, осон бўлаётгани йўқ. Бунга бир нечта сабаблар бор.
Масалан, Эрон чемпионатида ўйнаётган легионерларимиз 3-4 ой давомида расмий учрашувларда майдонга тушмади. Шунингдек, айрим футболчилар жароҳатдан тикланиш жараёнини бошдан кечирди.
Ҳозир биз мана шу масалаларни босқичма-босқич ҳал қилиш устида ишлаяпмиз. Шунга қарамай, жамоанинг ишидан мамнунман.
Йиғиннинг илк кунидан бошлаб футболчилар бор кучини беришга ҳаракат қиляпти. Қийинчиликларга қарамасдан, улар ўз устида ишлаш ва ривожланишга интиляпти», — деди Ўзбекистон миллий жамоаси бош мураббийи.
Аввалроқ Каннаваро хатоларни мундиалдаги ўйинларда эмас, ўртоқлик баҳсларида қилган яхшироқ эканини таъкидлаб ўтганди.
