Мадриднинг «Реал» клуби ҳужумчиси Килиан Мбаппе унинг фаолияти тез суръатлар билан ривожлана бошлаган ўйин ҳақида сўзлаб берди.
«Манчестер Сити» ва «Монако» ўртасидаги учрашув мен учун Европадаги катта ўйинлар билан биринчи танишув бўлган. Ҳаммаси ўша баҳсдан олдин ва кейинга бўлинди. Ўша «Сити» билан бўлган ўйиндан сўнг, мен «Монако»нинг асосий таркибига, кейин эса миллий жамоага қабул қилиндим. Ҳаммаси тез ривожланди», - деди Мбаппе AS'га берган интервюсида.
«Монако» ва «Манчестер Сити» 2016/2017-йилги мавсум Чемпионлар лигаси 1/8 финал босқичида учрашишган. Ҳар икки ўйинда ҳам Мбаппе, «Монако» учун ўйнаган ҳолда, гол уришга муваффақ бўлган.
