«Аталанта» яримҳимоячиси Эдерсон Лоренсо фаолиятини «Манчестер Юнайтед»да давом эттиради.
Инсайдер Фабрицио Романо хабарига кўра, клублар 45 миллион евролик трансфер бўйича барча ҳужжатларни расмийлаштириб бўлган.
Қайд этилишича, 26 ёшли бразилиялик футболчи яқин кунларда манкунианликлар билан шартнома имзолайди.
Романо ушбу маълумот тўлиқ тасдиқланганини ва Эдерсон «Манчестер Юнайтед»нинг ёзги трансферлар ойнасидаги илк янги футболчисига айланишини таъкидлаган.
Яримҳимоячи ўтган мавсум барча мусобақаларда 41 та баҳсда майдонга тушиб, 3 та гол ва 2 та голли узатмага муаллифлик қилди.
Эслатиб ўтамиз, аввалроқ «Манчестер Юнайтед» марказий чизиқни кучайтириш учун бир нечта номзодларни кўриб чиқаётгани ҳақида хабарлар тарқалганди.
Маълумот учун, Эдерсон 2022 йилдан буён «Аталанта» сафида тўп тепиб келаётган эди.
