«Болоня» ва «Фиорентина» собиқ бош мураббийи Винченсо Италяно фаолиятини Туркияда давом эттиради.
Инсайдер Николо Скиранинг хабар беришича, 48 ёшли мутахассис «Бешиктош» билан шартнома имзолаган.
Манбага кўра, томонлар ўртасидаги битим 2028 йилнинг ёзига қадар амал қилади.
Шу тариқа, Италяно Истанбул клубининг янги бош мураббийига айланди. У ушбу лавозимда 2025 йил январидан буён жамоани бошқарган Серген Ялчиннинг ўрнини эгаллайди.
Эслатиб ўтамиз, «Бешиктош» Туркия чемпионатининг ўтган мавсумини 60 очко билан тўртинчи ўринда якунлаган. Жамоа совриндорлар учлигидан уч очкога ортда қолган.
Маълумот учун, Винченсо Италяно мураббийлик фаолияти давомида «Фиорентина» ва «Болоня»да ишлаган ҳамда Италия футболидаги энг истиқболли мутахассислардан бири сифатида эътироф этилади.
