«Манчестер Юнайтед» «Барселона» ҳимоячиси Алехандро Балде бўйича таклиф юборган. Бу ҳақда Mirror хабар берди.
Маълум қилинишича, Каталония клуби футболчини сотиш эҳтимолини кўриб чиқишга тайёр экани маълум бўлганидан кейин манчестерликлар фаоллашган.
«Барселона» тарбияланувчисини мажбурий равишда сотишни режалаштирмаяпти, аммо жамоа бош мураббийи Ҳанс-Дитер Флик уни энди асосий таркибда кўрмаётгани сабабли трансфер эҳтимоли ҳам инкор этилмаяпти.
«Манчестер Юнайтед» расмийлари Балденинг салоҳиятини юқори баҳоламоқда ва вазиятни диққат билан кузатишда давом этмоқда. Футболчининг ўзи эса Каталонияни тарк этишни истамаяпти.
