Мадриднинг «Реал» клуби вингери Браҳим Диас ҳозирча «Ювентус»га ўтишга розилик билдирмаяпти. Бу ҳақда журналист Жанлука ди Марцио хабар берди.
Турин клубида марокашлик футболчи ҳужумни кучайтириш учун идеал вариант сифатида қаралмоқда. «Зебралар» вакиллари аллақачон ўйинчининг отаси билан алоқага чиққан, аммо келишувга эришишга ҳали анча бор.
Қайд этилишича, Диас «Реал»да қолишни ва жамоанинг янги бош мураббийи Жозе Моуриниони ишонтиришни истамоқда. Ҳозирча у кетиш ҳақида ўйламаяпти.
Шу билан бирга, агар португалиялик мураббий 26 ёшли футболчини асосий таркибда кўрмаслигини очиқ айтадиган бўлса, вазият ўзгариши мумкин. Аввалроқ Браҳим Марокашнинг мундиал учун якуний таркибидан жой олгани маълум қилинганди.
