«Барселона» ва Испания миллий жамоаси собиқ ҳужумчиси Давид Виля Лионел Месси ҳақида фикр билдирди.
«Мессининг футбол ва умуман спортга таъсирини мутлақо инкор қилиб бўлмайди. Мен «Барселона»да ўйнаган пайтимда 49 та гол урганман, уларнинг деярли барчаси Леонинг узатмаларидан кейин киритилган.
Ҳеч қачон у каби ўйинчини кўрмаганман. Месси — дунёнинг энг яхши футболчиси», — деди Виля.
Маълумот ўрнида, Испания миллий жамоаси тарихидаги энг яхши тўпурар 2010–2013 йиллар оралиғида «Барселона» шарафини ҳимоя қилган ва айнан шу даврда аргентиналик юлдуз билан бирга ўйнаган.
Аввалроқ Виля «Атлетико» директорлар кенгаши аъзосига айлангани маълум қилинганди.
