«Ювентус» Кенан Йилдизни жамоада олиб қолишга қатъий қарор қилган. Бу ҳақда журналист Николо Скира хабар берди.
21 ёшли футболчи яқин келажакда туринликлар сафини тарк этиш эҳтимоли жуда паст. Қайд этилишича, ҳозирги вақтда «зебралар» раҳбарияти туркиялик вингерни сотиш имкониятини тўлиқ рад этган.
«Ювентус» ҳатто 80–90 миллион евро атрофида таклиф келиб тушган тақдирда ҳам трансфер бўйича музокараларга киришмайди.
Маълумот ўрнида, Кенаннинг туринликлар билан келишуви 2030 йилгача мўлжалланган. Якунланган мавсумда футболчи 47 та ўйинда иштирок этиб, 11 гол урди ва 10 ассист амалга оширди.
