«Ювентус» ҳужумчиси Душан Влаҳович янги шартнома бўйича музокаралар муваффақиятсиз якунлангач, жамоани тарк этишга яқинлашди.
Тuttosport хабарига кўра, томонлар ўртасидаги келишмовчиликларнинг асосий сабабларидан бири молиявий масалалар бўлган.
Манбада айтилишича, музокаралар давомида сербиялик футболчи нима учун Жонатан Девид билан бир хил маош олиши кераклигини сўраган. Ушбу савол Турин клуби раҳбариятининг норозилигига сабаб бўлган.
Қайд этилишича, «Ювентус» Влаҳовичга йилига 6 миллион евро маош ва бонусларни ўз ичига олган янги шартнома таклиф қилган. Футболчининг ўзи эса мавсумига 8 миллион евро олишни истаган.
Аввалроқ клуб директори Жоржо Келлини томонлар ҳамкорликни узайтириш бўйича келишувга эриша олмаганини тасдиқлаган эди.
Маълумот учун, Душан Влаҳович 2022 йилда «Фиорентина»дан «Ювентус» сафига қўшилган.
