Ўзбекистон Пролигасида 9-тур баҳслари якунланди. Тур доирасидаги уч беллашувда мезбон жамоалар ғалаба қозонди.
«Каттақўрғон» ўз майдонида ФарДУни 3:0 ҳисобида мағлуб этди. Голларга Францис Нарҳ дубл қайд этиб, Жавоҳир Мубараков эса пеналтидан нуқта қўйди.
«Республика ФА» ва ТерДУ ўртасидаги сермаҳсул баҳсда мезбонлар 3:2 ҳисобида устун келди. Асилбек Алиев хет-трик муаллифига айланган бўлса, меҳмонлар сафида Абдуқодир Амирқулов иккита гол урди.
Турнинг марказий баҳсларидан бирида «Шўртан» минимал ҳисобда «Металлург»дан устун келди. Беллашувдаги ягона гол 79-дақиқада Ғанишер Қодиров томонидан киритилди.
Ушбу натижалардан сўнг «Шўртан» очколари сонини 23 тага етказиб, турнир жадвалида биринчи ўринга кўтарилди. «Каттақўрғон» 18 очко билан учинчи поғонадан жой олди. «Металлург» 15 очко билан тўртинчи, ФарДУ эса 13 очко билан олтинчи ўринда қолди.
Қуйи поғоналарда «Республика ФА» 9 очко билан тўққизинчи ўринга кўтарилган бўлса, ТерДУ 4 очко билан 13-поғонада қолмоқда.
Пролига, 9-тур
4-июн
«Каттақўрғон» – «ФарДУ» 3:0
Голлар: Францис Нарҳ, 27 (1:0), Францис Нарҳ, 46 (2:0), Жавоҳир Мубараков, 89, пеналти (3:0).
«Республика ФА» – «ТерДУ» 3:2
Голлар: Асилбек Алиев, 12 (1:0), Асилбек Алиев, 36 (2:0), Асилбек Алиев, 45 (3:0), Абдуқодир Амирқулов, 61 (3:1), Абдуқодир Амирқулов, 70, пеналти (3:2).
«Шўртан» – «Металлург» 1:0
Гол: Ғанишер Қодиров, 79 (1:0).
