Жаҳон рейтингида 29-ўринни эгаллаб турган бразилиялик теннисчи Жоао Фонсека мавсумни муддатидан олдин якунлаётганини маълум қилди.
«Кўпчилигингиз билганидек, тикланишга 100% эътибор қаратишим учун, мавсумнинг «Осиё қисми»ни ўтказиб юборишга қарор қилдим. Мақсад Базелдаги титулни ҳимоя қилиш учун қайтиш ва йиллик мавсумни Париждаги «Мастерс»да якунлаш эди. Бироқ, мен ва жамоам шу қарорга келдикки, мен ҳали ҳам щзим истаган даражада рақобатлашиш учун идеал спорт формамда эмасман, шошиб қайтишнинг ҳожати йўқ. Шу боис, тикланишни устун қўйиш ва 2027 йилга мўлжалланган режаларга эътибор қаратишга қарор қилинди.
Йил давомида кўрсатган меҳрингиз ва қўллаб-қувватлашингиз учун ҳаммага ташаккур. Тез орада яна кортда кўришгунча», — деб ёзди Фонсека ижтимоий тармоқдаги саҳифаси орқали.
