«Милан» футболчиси Рафаел Леау фаолиятини Англия Премер Лигасида давом эттиришга умид қилмоқда.
La Gazzetta dello Sport хабарига кўра, ҳозирча футболчи бўйича расмий таклиф юборган ягона клуб Туркиянинг «Галатасарой» жамоаси бўлиб турибди.
Аввалроқ турк клуби португалиялик вингерга йилига 8 миллион евро маош ва қўшимча 2 миллион евро бонусларни ўз ичига олган шартнома таклиф қилгани ҳақида маълумотлар тарқалганди.
Бироқ Леау ҳануз Англия Премер Лигасига кўчиб ўтишга умид қилмоқда. Хусусан, футболчи «Арсенал» ёки «Манчестер Юнайтед» сафига қўшилишни истайди.
Манбада айтилишича, футболчи яна бир бор «Арсенал»га таклиф қилинган, аммо музокаралар ҳозирча олдинга силжимаган.
Эслатиб ўтамиз, Рафаел Леаунинг шартномасида 175 миллион евролик товон пули белгиланган.
Маълумот учун, «Милан» футболчини тахминан 50 миллион евро эвазига қўйиб юборишга тайёр, бироқ ҳозирча ягона расмий таклиф «Галатасарой»дан келган.
