«Бенфика» Мадриднинг «Реал» клуби Жозе Моуриниони қайтариш учун 15 миллион евро товон пули тўлашга тайёр эканини маълум қилди.
Тhe Athletic журналисти Марио Кортегананинг «Бенфика» расмий сайтига таяниб хабар беришича, Флорентино Перес Лиссабон клубини бу ҳақда расман хабардор қилган.
Манбада айтилишича, агар Перес 7 июн куни бўлиб ўтадиган президентлик сайловида ғалаба қозонса, «Реал» Моуринионинг шартномасини муддатидан олдин бекор қилиш учун 15 миллион евро тўлайди.
Португалиялик мутахассис 2025 йил сентябридан буён «Бенфика»ни бошқариб келмоқда. Унинг клуб билан амалдаги шартномаси 2027 йилнинг ёзига қадар мўлжалланган.
Эслатиб ўтамиз, Жозе Моуринио 2010–2013 йиллар оралиғида ҳам «Реал» бош мураббийи сифатида фаолият юритган.
Маълумот учун, Мадрид клубида ишлаган даврида Моуринио Испания чемпионлиги ва бошқа бир қатор совринларни қўлга киритган.
