«Реал» ҳужумчиси Эндрик Криштиану Роналдунинг Мадрид клубидаги фаолияти унга катта таъсир кўрсатганини айтди.
«Криштиану Роналдунинг «Реал»да ўйнагани менинг Мадрид клубига ўтиш истагимни янада кучайтирган. У менинг идеалим, ўрнак оладиган инсоним. Дунёнинг энг буюк клубига йўқ деб айта олмасдим», — деди Эндрик.
Бразилиялик футболчи Роналдуни фаолияти давомида ўзи учун асосий намуна бўлиб келган футболчилардан бири сифатида тилга олди.
Эслатиб ўтамиз, Эндрик «Реал» сафига Бразилиянинг «Палмейрас» клубидан келиб қўшилган эди.
Маълумот учун, Криштиану Роналду 2009–2018 йиллар давомида «Реал» сафида тўп тепиб, клуб тарихидаги энг яхши тўпурарга айланган.
