«Лион» клуби ҳужумчи Эндрикни қайтадан жамоага қайтаришни орзу қилмоқда. Бу ҳақда GFFN хабар берди.
У мавсумнинг иккинчи қисмини Франция клубида ижара асосида ўтказган эди. Футболчи ҳуқуқлари Мадриднинг «Реал» клубига тегишли.
19 ёшли бразилиялик форвард қишки трансфердан сўнг жамоанинг етакчиларидан бирига айланди. У барча мусобақаларда 21 ўйинда иштирок этиб, 8 та гол урди ва 8 та голли узатма берди. Шунингдек, у профессионал фаолиятидаги илк ҳет-трикни ҳам қайд этди.
Қайд этилишича, «Лион» техник директори Матё Луи-Жан янги келишув эҳтимолини истисно қилмаяпти, аммо ҳозирча бу деярли имконсиз эканини тан олган. Чунки футболчи «Реал»нинг асосий таркибидан жой олишни мақсад қилган.
«Лион»даги муваффақиятли ўйинлари Эндрикка жаҳон чемпионати олдидан Бразилия миллий жамоасига қайтиш имконини берди.
