«ПСЖ» бош мураббийи Луис Энрике Франция чемпионати доирасидаги «Монако»га қарши ўйин (1:2)дан сўнг ўз фикрларини билдириб ўтди.
«Кўрганларимдан мамнунман. Бу мавсумнинг эндигина бошланиши ва биз ҳали ўз даражамизда эмасмиз. Лекин кўплаб ижобий жиҳатларни кўрдим.
Мен учун аниқки, биз ғалабага лойиқ эдик. Биргина xG кўрсаткичига қарашнинг ўзи етарли. Бироқ футбол шундай ва бу ажойиб спорт тури.
Натижани қандай тушунтиришим мумкин? Футболни баъзида тушунтириб бўлмайди. Мен футболчиларнинг менталитетини алоҳида таъкидламоқчиман. Бу қизиқарли чемпионат бўлади. Биз келажакка тайёргарлик кўришимиз керак», — деди Энрике.
Маълумот ўрнида, «ПСЖ» чемпионатнинг кейинги турида сафарда «Брест»га қарши ўйнайди.
