Ферран «ПСЖ»га ўтиш қарори ҳақида: «Энрике мен учун худди отамдек»

«ПСЖ» ҳужумчиси Ферран Торрес «Барселона»дан Париж клубига ўтиш қарорини қабул қилишида жамоа бош мураббийи Луис Энрикенинг роли ҳақида гапирди.

— Париждаги сўнгги бир неча ҳафта қандай ўтди ва «ПСЖ»га ўтиш қарорингизда Луис Энрике қай даражада муҳим рол ўйнади?

— Ҳаммаси жуда яхши кетяпти. Ҳали ҳам жамоадошларимга мослашяпман. Луис Энрике ҳам, клубнинг стратегик маслаҳатчиси Луиш Кампуш ҳам қароримда жуда муҳим рол ўйнашди. Менга билдирган ишончлари учун улардан жуда миннатдорман.

— Энрике билан муносабатларингизни қандай таърифлаган бўлардингиз?

— Мен ҳар доим айтиб келганман: Испания миллий жамоасида ўйнай бошлаганимдан бери Энрике мен учун худди отамдек. У доимо менга ишонган. У менга шу қадар ишондики, «ПСЖ»га таклиф қилди. У ҳар доим менга ишонч бағишлаб келган. Унга бу мавсумда ўз миннатдорчилигимни амалда кўрсатишга умид қиламан, — дея Ферраннинг сўзларини келтиради AS.