Япония миллий жамоаси ҳужумчиси «Лилл»га ўтди

«Лилл» «Фейеноорд» ҳужумчиси Аясе Уэдани сотиб олди.

Япония миллий жамоасининг 28 ёшли ҳужумчиси «Лилл» билан 2030 йил ёзига қадар мўлжалланган шартнома имзолади. У клуб тарихидаги биринчи япон футболчиси бўлди.

Фабрицио Романо маълумотига кўра, «Лилл» Нидерландия чемпионатининг энг яхши тўпурари учун 15 миллион евро тўлади.

Уэда ўтган мавсумда Эредивизияда 31 та ўйинда 25 та гол урган. 2026 йилги Жаҳон чемпионатида эса у 4 та ўйинда 2 та гол ва 1 та ассист қайд этди.