«Ҳалл Сити» «Лион» ҳужумчиси Малик Фофанани трансфер қилишга қизиқмоқда. Журналист Санти Аунанинг хабар беришича, «йўлбарслар» 21 ёшли белгиялик футболчи учун 35 млн евролик таклиф юборган.
«Ҳалл Сити» ҳозир «Лион» ва футболчи вакилларининг жавобини кутмоқда. Аввалроқ Фофанага «Рома» қизиқиш билдираётгани ҳақида хабарлар тарқалганди.
Маълумот учун, Фофана «Лион» сафида 2024 йил январидан бери тўп тепмоқда. Ҳужумчи ушбу даврда 83 та учрашувда майдонга тушиб, 19 та гол ва 6 та ассист қайд этган.
