«Hall Siti» «Lion» hujumchisi Malik Fofanani transfer qilishga qiziqmoqda. Jurnalist Santi Aunaning xabar berishicha, «yo‘lbarslar» 21 yoshli belgiyalik futbolchi uchun 35 mln yevrolik taklif yuborgan.
«Hall Siti» hozir «Lion» va futbolchi vakillarining javobini kutmoqda. Avvalroq Fofanaga «Roma» qiziqish bildirayotgani haqida xabarlar tarqalgandi.
Ma’lumot uchun, Fofana «Lion» safida 2024 yil yanvaridan beri to‘p tepmoqda. Hujumchi ushbu davrda 83 ta uchrashuvda maydonga tushib, 19 ta gol va 6 ta assist qayd etgan.
