«Liverpul» «Kristal Pelas» hujumkor yarimhimoyachisi Ismaila Sarr transferi bo‘yicha yangi taklif yuborishga tayyorlanmoqda. Insayder Nikolo Skiraning xabar berishicha, «burgutlar» futbolchi uchun bildirilgan 60 mln yevrolik dastlabki taklifni rad etgan.
«Liverpul» yaqin vaqt ichida Sarrni o‘z safiga qo‘shib olish uchun yana bir bor urinib ko‘rishi kutilmoqda. Ayni paytda futbolchining o‘zi va mersisaydliklar o‘rtasida kelishuv mavjud. Tomonlar 2031 yilgacha mo‘ljallangan uzoq muddatli shartnoma shartlarini kelishib olgan.
Ma’lumot uchun, Ismaila Sarr 2025/26 yilgi mavsumda 45 ta uchrashuvda maydonga tushib, 21 ta gol va 1 ta assist qayd etgan.
