Xulian Alvares «Atletiko»ning La Liga 3-turida «Sevilya»ga qarshi o‘yini uchun qaydnomasidan joy olmadi. Madrid klubi matbuot xizmati uchrashuv uchun futbolchilar ro‘yxatini e’lon qildi, unda argentinalik hujumchi yo‘q.
Ma’lumot uchun, Alvares bir necha kun davomida o‘zini yaxshi his qilmagani sababli jamoa mashg‘ulotlarida qatnashmagandi. Keyinchalik «Atletiko» bosh murabbiyi Diego Simeone ham hujumchi «Sevilya»ga qarshi bahsni o‘tkazib yuborishini tasdiqlagan.
Eslatib o‘tamiz, Alvares transfer oynasi yopilishidan oldin «Barselona»ga o‘tish umidini saqlab qolmoqda. U «Arsenal» variantini ko‘rib chiqmayotgani haqida ham xabar berilgandi.
«Sevilya» va «Atletiko» o‘rtasidagi bahs 29 avgust kuni Toshkent vaqti bilan 00:30 da boshlanadi.
