«Наполи» ва «Интер» собиқ ҳимоячиси Жезус «Венеция»га ўтди

Ҳимоячи Жуан Жезус «Венеция»га эркин агент сифатида қўшилди.

35 ёшли футболчи янги жамоаси билан 2026/27 йилги мавсум охирига қадар шартнома имзолади. Муайян шартлар бажарилган тақдирда келишув яна бир йилга узайтирилиши мумкин.

Июл ойида бразилиялик футболчи «Наполи»ни тарк этиб, эркин агентга айланганди. Италияда Жезус «Интер» ва «Рома» клублари таркибида ҳам ҳаракат қилган.

Ҳимоячи А Серияда жами 280 та ўйин ўтказиб, 5 та гол урган ва 2 та голли узатма амалга оширган. Шунингдек, унинг ҳисобида Чемпионлар лигасида 24 та, Европа лигасида 37 та ва Бразилия миллий жамоаси сафида 4 та ўйин бор.