Ferran “PSJ”ga oʻtish qarori haqida: “Enrike men uchun xuddi otamdek”

“PSJ” hujumchisi Ferran Torres “Barselona”dan Parij klubiga oʻtish qarorini qabul qilishida jamoa bosh murabbiyi Luis Enrikening roli haqida gapirdi.

— Parijdagi soʻnggi bir necha hafta qanday oʻtdi va “PSJ”ga oʻtish qaroringizda Luis Enrike qay darajada muhim rol oʻynadi?

— Hammasi juda yaxshi ketyapti. Hali ham jamoadoshlarimga moslashyapman. Luis Enrike ham, klubning strategik maslahatchisi Luish Kampush ham qarorimda juda muhim rol oʻynashdi. Menga bildirgan ishonchlari uchun ulardan juda minnatdorman.

— Enrike bilan munosabatlaringizni qanday taʼriflagan boʻlardingiz?

— Men har doim aytib kelganman: Ispaniya milliy jamoasida oʻynay boshlaganimdan beri Enrike men uchun xuddi otamdek. U doimo menga ishongan. U menga shu qadar ishondiki, “PSJ”ga taklif qildi. U har doim menga ishonch bagʻishlab kelgan. Unga bu mavsumda oʻz minnatdorchiligimni amalda koʻrsatishga umid qilaman, — deya Ferranning soʻzlarini keltiradi AS.