«PSJ» bosh murabbiyi Luis Enrike Bredli Barkolyaning «Liverpul»ga o‘tishi haqida fikr bildirdi.
23 yoshli Fransiya milliy jamoasi vingeri yozgi transfer oynasida 125+20 million yevro evaziga «Liverpul»ga o‘tdi.
«Bundan hamma yutadi, deb o‘ylayman. U ketishni xohladi, chunki jamoada muhimroq rolga ega bo‘lishni istadi. Buning uchun esa mashg‘ulotlarda o‘zini ko‘rsatish kerak, men esa buni hech kimga va’da qila olmayman.
U juda muhim futbolchi, ajoyib inson edi va jamoadoshlari uni yaxshi ko‘rardi. Uning shartnomasida yana ikki yil bor edi, ammo u ketishga qaror qildi. Men unga eng yaxshi tilaklarni bildiraman. Biz buni qabul qilishimiz kerak. Kelajakda klub uchun juda muhim bo‘lgan futbolchilar ketishi tabiiy holat. Ammo hayot shunday», — dedi Enrike «Monako»ga qarshi bahs oldidan o‘tkazilgan matbuot anjumanida.
