«ПСЖ» бош мураббийи Луис Энрике Бредли Барколянинг «Ливерпул»га ўтиши ҳақида фикр билдирди.
23 ёшли Франция миллий жамоаси вингери ёзги трансфер ойнасида 125+20 миллион евро эвазига «Ливерпул»га ўтди.
«Бундан ҳамма ютади, деб ўйлайман. У кетишни хоҳлади, чунки жамоада муҳимроқ ролга эга бўлишни истади. Бунинг учун эса машғулотларда ўзини кўрсатиш керак, мен эса буни ҳеч кимга ваъда қила олмайман.
У жуда муҳим футболчи, ажойиб инсон эди ва жамоадошлари уни яхши кўрарди. Унинг шартномасида яна икки йил бор эди, аммо у кетишга қарор қилди. Мен унга энг яхши тилакларни билдираман. Биз буни қабул қилишимиз керак. Келажакда клуб учун жуда муҳим бўлган футболчилар кетиши табиий ҳолат. Аммо ҳаёт шундай», — деди Энрике «Монако»га қарши баҳс олдидан ўтказилган матбуот анжуманида.
