37 ёшли 70 кггача бўлган вазн тоифасида UFCнинг амалдаги чемпиони америкалик Жастин Гейджи нима сабабдан ярим енгил ва енгил вазнларда UFCнинг ирландиялик собиқ чемпиони Конор Макгрегор билан жангга қизиқаётгани ҳақида гапирди.
«Мен бу ҳақда юзлаб марта айтганимдек, Конор Макгрегорнинг юзига катта мамнуният билан омма олдида мушт туширган бўлардим. Шу сабабли бу жангни сабрсизлик билан кутяпман, ўша ерда бўлишни ва унинг [рўпарамда турганини] кўришни орзиқиб кутяпман. Ҳеч шубҳасиз, у ушбу спорт турининг энг буюк суперюлдузларидан бири, шундай экан, у каби йигит билан жанг қилиш мен учун молиявий жиҳатдан жуда фойдали бўлиб, афсонавий мақомга эришишимга ҳам имкон беради», — дея Гейджи сўзларидан иқтибос келтиради ActuMMA портали.
