The Athletic нашрининг хабар беришича, АҚШ миллий жамоаси ҳужумчиси Фоларин Балогуннинг «Монако»дан «Эвертон»га ўтиши тиббий кўрикдан сўнг барбод бўлган.
Манбага кўра, томонлар сешанба куни 25 ёшли америкалик футболчининг трансфери борасида келишувга эришган, бироқ тиббий кўрик вақтида муаммолар юзага келган. Натижада инглиз клуби келишув шартларини қайта кўриб чиқиб, музокараларни давом эттирган, аммо якунда футболчининг ўзи бу трансфердан воз кечишга қарор қилган.
Ўтган мавсумда Балогун барча мусобақаларда 43 та ўйинда майдонга тушиб, 19 та гол урди ва 5 та голли узатмани амалга оширди. ЖЧ–2026да эса 4 та ўйинда 3 та гол уриб, 1 голли узатмага муаллифлик қилди. Балогуннинг клуб билан шартномаси 2028 йилгача мўлжалланган.
Эслатиб ўтамиз, аввалроқ «Монако» клуби яримҳимоячиси Ламин Камаранинг «Челси»га ўтишига тўсқинлик қилгани маълум бўлганди.
